All Posts
BBC 0400 GMT
VOA 0330 GMTWararka naga soo gaaraya Magaalada Boosaaso ee xarunta Gobalka Bari, ayaa sheegaya in xalay uu Magaaladaasi ka dhacay qarax noociisa uu yahay bambada gacanta laga tuuro oo khasaaro geystay.
Qaraxan ayaa waxaa lagu tuuray banaanka hore ee Hoteel Rooble Magaalada Boosaaso, halkaasi oo ay ku sugnaayeen masuuliyiin ka tirsan maxkamada Gobalka Bari ee Puntland.
Hal qof ayaa geeriyooday halka ay ku dhawaacmeen 3 qof oo uu ku jiro xeer ilaaliyaha guud ee gobalka Bari Bashiir Hoobaley.
Dhawaaca soo gaaray xeer ilaaliyaha iyo Guddoomiye ku xigeenka maxkamada ayaa la sheegayaa in uu yahay mid fudud oo aan sidaasi usii badneyd.
Goobta qaraxa uu ka dhacay ayaa waxaa ku agyaala Saldhig ciidan waxaana durba soo gurmaday ciidan ka tirsan kuwa Puntland oo dadkii dhaawacmay caawiyay.
Xilliyada qaar Boosaaso waxaa ka dhaca falal lidi ku ah dhanka ammaanka ah, waxaana lawada xasuustaa qaraxii ka dhacay Boosaaso ee noociisa uu yahay ismiidaaminta inay dad badan ku dhinteen qaar kaloo badana ay ku dhaawacmeen.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN