All Posts
BBC 0400 GMT
VOA 0330 GMTWafdi ka socda Dowladda Federaalka Soomaaliya iyo Beesha Caalamka ayaa waxa ay gaareen magaalada Jowhar ee xarunta gobolka Shabeellaha Dhexe, oo maalinta berri ah lagu wado in ay ka dhacdo Doorashada Madaxweynaha Hirshabeelle.
Wafdiga Dowladda Federaalka ka socday waxaa hoggaaminayay Wasiirka Arrimaha Gudaha Cabdi Faarax Juxa, waxaana la socday Wasiirka Amniga, Wasiirka Waxbarashada, Wasiirka Caafimaadka, Wasiirka Boostada iyo Isgaarsiinta iyo xubno kale.
Sidoo kale magaalada Jowhar waxaa gaaray xubno ka socday Beesha Caalamka, urur goboleedka IGAD iyo xubno ka socday African Union.
Cabdi Faarax Juxa Wasiirka Arrimaha Gudaha Soomaaliya ayaa sheegay Dowladda Federalka in ay dhexdhexaad ka tahay Doorashada, islamarkaana aysan jirin Musharax gaar ah oo ay taageersan tahay.
Musharaxiin u taagan xilka Madaxweynaha Hirshabeelle ayaa horey Dowladda Soomaaliya ugu eedeeyay in ay fara gelin ku heyso Doorashada Madaxweynaha Hirshabeelle.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN