All Posts
BBC 0400 GMT
VOA 0330 GMTNabadoon caan ahaa ayaa xalay kooxo hubeysan ay ku dileen degmada Afgooye ee Gobolka Shabeelaha Hoose, iyadoo dilkan uu qeyb ka noqonayo dilal qorsheysan oo mudooyinkii u dambeeyay ka dhacayay degmadaas.
Nabadoonkan ayaa lagu magacaabi jiray Suldaan C/qaadir Suldaan Baliile oo ahaa Gudoomiye kuxigeenkii Odayaasha Guurtida degmada Afgooye, waxaana la sheegay in kooxihii dilka ka dambeeyay ay baxsadeen.
Mid ka mid ah odayaasha deegaanka ayaa sheegay in aanay garaneyn sababaha loo dilay, hase ahaatee waxaa uu dilkiisa ku sifeeyay dilalka qorsheysan ee lagu haayo dadka waxgalka u ah bulshada.
Ciidamada ammaanka degmada Afgooye ayaa howl galo ka wada degmada Afgooye, kaasoo ay ku baadigoobayaan kooxihii dilka ka dambeeyay, inkastoo aanay jirin wali cid ay u soo qabteen.
Nabadoonka ayaa lagu wadaa in saaka lagu aaso degmada Afgooye, mana jirto wax war ah oo ka soo baxay Maamulka degmada Afgooye oo ku aadan dilkan loo gestay Nabadoonkan.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN