February 12, 2018 | Posted by admin

Maamulka Puntland ayaa sheegay in ay qaabileen 160 Askari oo ka goostay Maamulka Somaliland kuna biiray Puntland,kuwaas oo ku sugnaa degaanka Carro weyn ee Gobolka Sanaag.
Saraakiil ka tirsan Ciidamada Puntland ee ciidankaas ku qaabilay degaankaas ayaa sheegay in Ciidamadaan ay mar hore ku biireen Somaliland hayeeshee hadda dib uga baxeen.
Qaar ka mid ah Saraakiisha Puntland ee Ciidamadaas la kulmay ayaa sheegay in Madaxweynaha iyo ku xigeenkiisa Puntland ay la socdaan xaaladda Ciidankan islamarkaana ay saraakiisha salaan ugu dhiibeen.
Saraakiil u hadashay Ciidamada sheegay in ay ka goosteen Somaliland kuna biireen Puntland ayaa sheegay in degaanka ay u dhasheen uun ku laabteen ee aysan ahayn dad cusub.

Qaar ka mid ah dadweynaha dadweynaha degaankaas ayaa soo dhaweeyay Ciidamada isu dhiibay Puntland sida ay sheegeen.

COMMENTS