DUHUR-Iyadoo Bankiga Aduunka uu dhawaan soo saaray Warbixin uu ugu hadlayay Daqliga Maaliyeed ee soo galay Dowlada Federalka KMG ee Soomaaliya Sanadkii 2009 – 2010, ayaa waxaa soo if baxday Lunsasho Hanti Qaran, taasi oo ay ku lug yeesheen Madax sare oo ka tirsan Dowlada Soomaaliya.

Warbixinta oo aheyd Baaritaan Maaliyadeed oo lagu sameeyay dakhligii iyo deeqihii Maaliyeed ee soo galay Dowlada KMG ayaa lagu soo beegay xiili uu qabsoomayay Shirkii kusoo gaba gaboobay Istanbuul.

Bankiga Adduunka ayaa waxa uu sheegay dabagal uu sameeyay ka dib in ay ku ogaadeen in sanadkii 2009, Dawladda KMG ee Soomaaliya soo gashay lacag gaareesa $94 million, balse Madaxda Dowlada KMG ay sheegeen in ay soo gashay $11 million oo keliy, ayna halkaasi ku maqan tahay aduun dhan $83 million.

Baaritaanka ay sameesay World Bank ayaa sidoo kale waxa ay ku ogaatay in sanadkii 2010, Dowlada KMG ee Soomaaliya soo gashay lacag gaareesa $70 million, balse Madaxda Dowlada ay ku sheegeen in ay soo gashay lacag dhan $22 million, sidoo kale ay halkaasi ku maqnaatay lacag dhan $48 million.

Hantida Maqan ee soo gashay Dowlada KMG ayaa lagu sheegay isku geyn in ay gaareeso $131 million, oo la sheegay in ay Hayed Hanti gudaha ka timid kuwo kasoo xarooday deeqo ay bixiyeen dalal ka mid ah kuwa Carabta.

Bankiga Aduunka ayaa sidoo kale Madaxda Dowlada Federalka KMG ku eedeeyay in aysan xil weyn oo mas’uuliyadeed iska saarin daqliga kasoo xarooda dalka Soomaaliya, balse hadii ay taasi, isku xil saari lahaayeen la sheegay in daqliga 2009, kasoo xaroon lahaa dalka soomaaliya ay gaari laheyd $155 million, halka Sanadkii 2010 lagu sheegay in ay gaari laheyd $156 million.

Kooxda Baaritaanka ku sameesay Daqliga soo galay Dowlada iyo kuwa ku maqan ayaa sheegay in lunsashada lacagaha Maqan ay ka danbeeyeen Mas’uuliyeen ka tirsanaa Xukuumadii Cumar C/rashiid Cali Sharmaarke.

Bankiga Aduunka ayaa soo bandhigay Magacyada illaa iyo 6-Xubnoo oo lagu eedeeyay in ay Lunsadeen lacagahaasi.

• Madaxweynaha Dowlada Federalka KMG Sheekh Shariif Sheekh Axmed

• Wasiirkii Hore ee Maaliyada Xukuumadii Cumar C/rashiid, xilligaana Ah Guddoomiyaha Baarlamaanka, Shariif Xasan Sheekh Aadan

• Muhammad Ibrahim, Minister of Ports and Marine Transport .”