All Posts
BBC 0400 GMT
VOA 0330 GMT
Madaxweynaha Soomaaliya,Xasan Sheekh Maxamuud iyo xog-hayaha guud ee Qaramada Midoobay Ban-ki Moon ayaa si wada jir ah magaalada New York uga furay shir looga hadlay arrimaha Soomaaliya.
Waxaa ka qayb-galay kulanka arrimaha Soomaaliya looga hadlay guddoomiyaha Midowga Afrika iyo wakiillo ka kala socday Bankiga adduunka iyo wadamada daneeya Soomaaliya.
Madaxweynaha Soomaaliya,Xasan Sheekh Maxamuud ayaa shirka ka sheegay waxyaabihii u qabsoomay dowladdiisa, isagoo xusay in siyaasada dowladdiisa ku dhisan tahay wada tashi, si dadka oo dhan looga qeyb geliyo tallabooyinka ay aayahooda ku go’aaminayaan.
Sidoo kale,madaxweynaha ayaa xusay in ciidamada xoogga dalka iyo kuwa AMISOM ay ku guuleeysteen in maleeshiyaadka Shabaab 75% laga saaro gobolada bartamaha iyo kofurta dalka.
Xasan Sheekh waxuu tilmaamay in qeybo badan oo ka mid ah gobollada dalka ay ka socoto shirir dib u heshiisiin ah, isagoo hoosta ka xariiqay in sare loo qaaday hanaanka maaliyadda dalka.
Xog-hayaha Gguud ee Qarmada Midoobay Ban ki-Moon oo isna kulan ka hadlay ayaa soo dhoweeyey horumarka siyaasadeed ee Soomaaliya ay ku talaabsaneyso.
Dlamini-Zuma, guddomiyaha guddiga Midowga Africa ayaa iyaduna shirka ka sheegtay in midowga Africa uu baadhayo eedaha ciidamada AMISOM loo jeediyay ee ku aadan inay kufsi ka geysteen gudaha Somalia.
Wasiirka arrimaha dibada mudane C/raxmaan Beyle ayaa sheegay in shirkaasi looga hadlay xaaladda Soomaaliya, iyo wax qabadka dowladda ee sanadkii tegay.
”Waxaa la isku wada raacay waxaa weeyaan in tallaabooyin badan la soo qaaday, waxaa kaloo la isku raacay in shaqo badani harsantahay in kastoo shaqooyin badan la soo qabtay, waxaa kaloo la isku raacay in beesha caalamku ay gacan siin doonto Soomaaliya, si loo gaaro doorashooyin xalaal ah sanadka 2016-ka” sidaasi waxaa yiri wasiiraka arrimaha dibadda oo ka hadlay waxyaabihii ka soo baxay shirkaasi.
Madaxweyne Xasan oo ka qayb-galaya shirka golaha ammaanka ee Qaramada Midoobay,waxaa lugu wada inuu maalinta berri ah uu ka jeediyo khudbad dheer oo u ku faah faahin doono xaaladda dalka.
___
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN