All Posts
BBC 0400 GMT
VOA 0330 GMTMadaxweynaha maamulka Galmudug C/kariin Xuseen Guuleed ayaa ugu baaqay maamulka Puntland oo ah maamul ay wadaagaan sohdin inay ka yimaadaan wax waliba oo khilaaf abuuri kara,islamarkaana deganaasho ku noolaasho Labada shacab ah la sameeyo.
Wuxuu sheegay C/kariin Xuseen Guuleed in maamulka Puntland iyo Galmudug uu dhexmari doono iskaashi dhanka siyaasada ah sida adkeynta amniga,dhaqaalaha iyo waliba arimo kale.
Sidoo kale,madaxweynaha maamulka Galmudug C/kariin Xuseen ayaa ugu baaqay shacabka Galmudug ee siyaasada kala geysay inay u soo dumaan sidii ay kaga shaqeyn lahaayeen deganaashaha iyo xasiloonimada maamulka,islamarkaana kaga imaan lahaayeen muranka siyaasadeed ay qabaan.
Hadalkaan ayuu madaxweynaha maamulka Galmudug ka sheegay munaasabad casho sharaf ah oo xalay ka dhacday magaalada Cadaado.
Madaxweynaha maamulka Galmudug C/kariin Xuseen Guuleed ayaa shalay lagu caleema saaray magaalada Cadaado,waxaana munaasabada caleema saarka ka qeyb galay madaxweynaha Soomaaliya Xasan Sheikh iyo mas’uuliyiin kale.
–
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN