Duhur

Wafdiga IGAD oo Kismaayo Gaaray Lana kulmay Axmed Madoobe

admin — Sat, 18 May 2013 10:52:29 +0000

Wafdi ka socda Urur Goboleedka IGAD oo labadii maalmood ee la soo dhaafay ku sugnaa magaalada Muqdisho ayaa goor dhow gaaray magaalada Kismaayo ee Xarunta Jubada Hoose, iyadoo wafdigan ay kulamo la qaadanayaan odayaasha dhaqanka iyo maamulada iska soo horjeeda.

Sida ay sheegayaan wararka Wafdigan uu hogaaminayo Xoghayaha guud ee IGAD Maxbuub Macalin iyo Saraakiil kale, iyadoo wada hadalo kula yeeshay jaamacada Kismaayo Axmed Madoobe oo 15-kii bishan loo doortay Madaxweynaha Jubaland.

Wararka ayaa sheegaya in wafdiga IGAD ay hordhigeen Axmed Madoobe inuu xiisada dejiyo, isla markaana waxay ugu baaqeen in xasilooni la muujiyo.

Sidoo kale waxay la kulmeen odayaashii dhaqanka ee soo doortay Axmed Madoobe, iyagoo dhankooda ka codsaday inay ka qeyb qaataan xalinta khilaafaadka.

Wafdiga ayaa sidoo kale haatan kulan kula leh Garoonka diyaaradaha Kismaayo wafdigii ay dowladda u dirtay magaalada, iyagoo ka wada hadlay xaalada Kismaayo iyo xalka la doonayo in loo helo xaalada murugsan ee magaalada ka jirta.

Shalay ayay aheyd markii wafdigan IGAD ka socday ay Muqdisho kula kulmeen Madaxweynaha Soomaaliya iyo Ra’iisul Wasaare Saacid, iyagoo kala hadlay xaalada Jubooyinka.

Watch Siilaanyo: Somaliland hopes for independence

admin — Sat, 18 May 2013 10:41:56 +0000

Wafdi IGAD ka socda oo Booqan Doona Magaalada Kismaayo

admin — Sat, 18 May 2013 09:38:25 +0000

Wafdigan oo maanta ka ambabixi doona magaalada Muqdisho oo ay shalay soo gaareen islamarkaaana Ay kulamo kula qaateen madaxda ugu sareysa dalka sida madaxweynaha jamhuuriyadda mudane Xassan Shiikh Maxamuud ayaa waxaa Lagu wadaa inay goor dhow gaaraan magaalada Kismaayo ee xarunta Gobolka Jubada Hoose halkaasoo uu maalmahan ka taagnaa isqabqabsi dhinaca maamulka ah.

Xubnahan ayaa waxa ay la kulmi doonaan odayaasha dhaqanka maagaalada Kismaayo si wada-tashi Loogala yeesho kala fikir duwanaanshaha kataagan qaabka maamul u sameynta gobolada Jubooyinka oo Mudo soo jiitameysay xili todobaadkii tegey ay soo ifbaxeen maamulo kala duwan oo looga dhawaaqay Gudaha magaalaadasi kuwaasoo uu mid weliba sheeganayo inuu isagu yahay mamaulka sharciga ah ee Loo doortay goboladaasi.

Waxa sidoo kale ay wafdigani la kulmi doonaan dhinacyada isku haya mamaulka magaalada iyo Siyaasiyiinta deegaanka si xal looga gaaro is qabqabsiga soo laablaabtay ee ka taagan magaalada Kismaayo ee xarunta gobolka Jubada Hoose taasoo salka ku haysa dhinaca maamaulka.

Xoghaya guud ee urur goboleedka IGAD Maxbuub Macalin oo shalay shir jaraa’id ku qabtay magaalada Muqdisho ayaa sheegay in maamul u sameynta goboladaasi looga danbeynayo dowlada iyadoo la Texgelinayo odayaasha deegaanka, siyaasiyiinta iyo qeybaha ay bulshadu ka koobantahay ee taladu ka Go’do mana suurto galayso kooxo isku tagay oo iska dooran kara maamul aan dowlada hogaanka u hayn.

Somaliland oo laga xusayo maalinta kala goynta Soomaaliweyn

admin — Sat, 18 May 2013 07:46:51 +0000

Deegaanada Somaliland waxaa maanta laga xusayaa 18-ka May oo ah markii siyaasiyiinta dhulkaas ku dhawaaqeen iney kala jareen Jamhuuriyadda Soomaaliya oo ay goosi isu taageen.

Maalinta 18ka May ayaa ah maalin si weyn looga xuso gobalada Somaliland, sanadkan ayaa ah mid ahmiyad gaar ah lasiiyey xili ay Somaliland weli baadi goob ugu jirto ictiraaf caalami ah, halka wadamo badan oo caalamka ah sanadkan 2013 markii ugu horeysay si rasmi ah u aqoonsaday Dowlada Federaalka Soomaaliya.

Sanadkan ayaa ka duwan sanadadii hore waxaana qaban qaabada xuska loo saaray guddi heer Qaran ah oo uu Guddoomiye u yahay Wasiirka Arrimaha Gudaha, waxaana jiray dadaalo lagu qaban qaabinayo xaflado balaadhan oo ka dhacaya caasimada Hargeysa iyo magaalooyinka waaweyn sida Burco oo ah goobtii looga dhawaaqay madaxbanaanida Somaliland 22 sano kahor.

Sanadguurada 22aad ee maalinta 18ka May ayaa si weyn looga dareemayaa magaalooyinka waaweyn, waxaana gebi ahaan la xidhay isu socodka gaadiidka.

Sanadkaan waxey kusoo aaday munaasabadani xilli wadahadla u socdo dowladda Soomaaliya iyo maamulka Somaliland, sidoo kalana Somaliland ka carootay in Qaramada Midoobay Soomaaliya ku wareejisay kontoroolka hawada dalka.

Somaliland ayaa meel iska dhigtay xuska maalimihii Soomaalidu heshay xornimada ee kala ah: 26-ka June iyo 1-da Luulyo ee sandkii 1960, waxeyna taa badelkeeda xusaan maalintii ay ku dhawaaqeen kala dhantaalka Jamhuuriyadda Soomaaliya.

Sidaas oo ay tahay, Somaliland weli ma heyso hal dal oo aqoonsaday, mana muuqato saansaan lagu aqoonsanayo.

Dhanka kale, madaxweynaha Somaliland Axmed Maxamed Maxmauud “Siilaanyo” ayaa shacbiga Somaliland ugu baaqay inay u midoobaan oo weyneeyaan munaasibadda 22-guurada ka soo wareegtay dib ula soo noqoshadii madax-banaanida Somaliland.

Madaxweynuhu waxa uu sidaasi ku sheegay farriin gaaban oo uu ugu tallo galay inuu shacbiga hawadda u mariyo munaasibadan beri oo Sabti ah dalka laga xusayo darteed.

“Xiligan oo aynu u dabaal degayno xornimada Somaliland, waxaan anigoo ah madaxweynaha Somaliland ugu baaqayaa bulshadda Somaliland ee ku kala sugan daafaha dunida inay u midoobaan xuska 22-guuradda ka soo wareegtay dib ula soo noqoshadii madax-banaanida Somaliland,”ayuu yidhi Madaxweyne Axmed Siilaanyo.

“Waxay bulshadda Somaliland u noqonaysaa xuskani fursad la yaableh oo isku keenaysa bulshada Somaliland. Meel kasta oo aad ka joogtaan adduunka waxaan idiin rajaynayaa wakhtigan la xusayo qaranimada Somaliland inaad soo xasuusataan walaalahiin. Taariikhda dalkeenu waxay 22-kii sanadood ee la soo dhaafay soo martay marxlado badan,”ayuu yidhi madaxweynaha Somaliland.

“Dalkeenu waxa uu yahay Geeska Afrika jasiirad nabadoon oo maamul wanaag ka jiro,”ayuu sheegay Madaxweynuhu.

Madaxweyne Axmed Siilaanyo waxa kale oo uu shacbi weynaha Somaliland gudo iyo dibadba ku bogaadiyay munaasibadda 22-guurada ka soo wareegtay dib ula soo noqoshada madax-banaanida Somaliland.

Madaxweyne Axmed Siilaanyo waxa uu intaas raaciyay “Wada jirkeenu waxa uu keenayaa inaynu hagaajisano mustaqbalka oo horumarino dalkeena aynu dhammaanteen u han-weyn nahay,”.

AMISOM ayaa ka hadashay mowqifkooda siyaasadeed ee Kismaayo

admin — Sat, 18 May 2013 07:44:48 +0000

Taliska ciidamada AMISOM ayaa markii u horeysay ka hadlay mowqifkooda ku aadan maamulada iska soo horjeeda ee laga dhisayo magaalada Kismaayo, maalmo kadib markii ay soo baxeen Madaxweynayaal iskood is magacaabay iyo kuwo loo doortay.

Afhayeenka Ciidamada AMISOM Col. Cali Aadan Xumad oo la hadlay VOA ayaa sheegay inay si dhow u eegayaan xaalada Kismaayo iyo arrimaha ka taagan.

“Arrinta Kismaayo si dhow ayaa u eegeynaa, isha ugu heynaa, arrimaha ka taagan, hadii ay dhacdo dhibaato waxaa diyaar u nahay inaan dhex galno” ayuu yiri Afhayeenka AMISOM Col. Cali Aadan Xumad.

Afhayeenka AMISOM ayaa sidoo kale sheegay in AMISOM mowqifkoodu yahay inay taageerto hadba aragtida siyaasadeed ee dowladda federaalka ka qaadato arrimaha Soomaaliya.

Kismaayo ayaa waxaa ku sugan Ciidamo ka socda Kenya oo qeyb ka ah howl galka AMISOM, hase ahaatee waxay si dhow ula shaqeysaa Axmed Madoobe oo 15-kii bishan loo doortay Madaxweynaha Jubalanad.

Maamulada is bar bar yaaca ee Kismaayo looga dhawaaqayay ayaa murjiyay xaalada siyaasadeed ee deegaanada, iyadoo hadba shaqsi gurbaan loogu tumayo magaalada, waxaana jirta cabsi laga qabo inay isku dhacyo dhex maraan dhinacyada isku haya magaalada.

Heesta Maanta iyo Farxiyo Kabo-Yare (Naftayday Raali Noqo)

admin — Sat, 18 May 2013 07:37:51 +0000

TRUE STORY WAA QISO DHAB AH HEESTAAN DAAWASHO WACAN

NORTH AMERICA DUHUR MEDIA
MUKTAR KATIITOW

Wasiirka Warfaafinta oo Goordhow Ka Warbixiyey Wafdigii IGAD Ee Maanta Yimid Muqdisho, Kuna Sii Jeeda Kismaayo

admin — Fri, 17 May 2013 16:10:43 +0000

Muqdisho- Wasiirka Warfaafinta Dawlada Federaalka Soomaaliya Cabdullaahi Ciilmooge Xersi oo goordhow shir jaraa’id ku qabtay magaalada Muqdisho ayaa faahfaahin ka bixiyey kulan maanta magaalada Muqdisho ku dhexmaray Raysul wasaare Cabdi Faarax Shirdoon iyo wafdi ka socda wadamada IGAD oo shalay soo gaaray magaalada Muqdisho.
Wasiirka ayaa sheegay in wafdiga IGAD ay dalka joogaan mudo labo maalmood ah oo ay shalay yimaadeen Muqdisho, wuxuuna wasiirku sheegay in wafdiga ay maanta xafiiskiisa kula kulmeen raysul wasaare Saacid.
“Waxay ka wada hadleen arrimo badan oo khuseeya xalada dalka iyo kaalinta IGAD, Waxaa kaloo kulanka looga hadlay mowqifka dawlada ee ku aadan maamul sameynta gobollada oo taasi horeyba way u cadayd, waana hubaal inay ku qanceen.” ayuu yiri wasiir Ciilmooge oo saxaafadda uga warbixinayey kulankii maanta.
Wasiirku wuxuu sheegay in raysul wasaaraha iyo wafdiga IGAD ka socday ee yimid Muqdisho ay isla jeexjeexeen xaaladaha siyaasadeed ee dalka, raysul wasaaruhuna sharaxaad ka bixiyey aragtida dawlada iyo dadaalada ay ugu jirto nabadeynta iyo dib u heshiisiinta ay ku hawlan tahay xukuumadda kuwaasoo meelo badana lagu guuleystay.
“Wafdigu waxay aad u dhageysteen sharaxaada raysul wasaaruhu ka siiyey guud ahaan hawlaha socda ee dawlada ugu jirto nabadeynta iyo dib u heshiisiinta.” ayuu sii raaciyey.
Wuxuu sheegay in ka sokow kulanka raysul wasaaraha ay wafdigan la kulmeen odayaal iyo dad bulshada ka mid ah oo ay ku jiraan waxgarad ka soo jeeda gobollada Jubbooyinka oo ay ka qaateen aragtiyaha ay ka qabaana.
Mar uu wasiirku soo qaaday socdaal wafdiga IGAD ay qorsheynayaan inay ku tagaan magaalada Kismaayo, ayaa wuxuu sheegay in wafdigan oo ay qeyb ka tahay dawlada Soomaaliya ay berito u socdaali doonaan magaalada Kismaayo si ay wadatashi ula yeeshaan qeybaha bulshada iyo madaxada Jubbaland.
Kulan bidhan horraanteedii ka dhacay magaalada Addis Ababa ee xarunta wadanka Ethiopia ayaa madaxda toddobada wadan ee ku bahoobay Urur Goboleedka IGAD waxay isla garteen in wafdi loo diro magaalada Kismaayo si ay xaqiiqo raadin ugu tagaan deegaanka, waxaana lagu wadaa in wafdiga ay warbixintooda dib ugu celiyaan kulan madaxeedka IGAD ee dhici doona dhammaadka bisha May ee 2013.

IGAD: Waan tixgelinaynaa dastuurka iyo midnimada Soomaaliya

admin — Fri, 17 May 2013 16:05:46 +0000

Urur-goboleedka IGAD ayaa sheegay inay tixgelinayaan midnimada iyo dastuurka u yaalla Soomaaliya, xilli dowladda Soomaaliya ay sheegtay inay ka wal-walsan tahay maamullada dhowaan looga dhawaaqay magaalada Kismaayo.
Xoghayaha guud ee urur-goboleedka IGAD, Maxbuub Macalim oo isaga iyo wafdi la socday ay maanta Muqdisho kula kulmeen madaxda sare ee dalka ayaa sheegay in IGAD ay mar kasta u taagan tahay horumarinta dalalka ku bahoobay oo ay Soomaaliya ka mid tahay.
Maxbuub ayaa sheegay inay u kuur-galayaan arrimaha gobollada Jubbooyinka, iyagoo ka duulaya go’aankii madaxda IGAD ay ku gaareen shirkii Addis Ababa, warbixinna ay u gudbin doonaan.
Wafdiga IGAD ayaa maanta Muqdisho kula kulmay madaxweynaha, ra’iisul wasaaraha iyo xubno ka tirsan golaha wasiirrada.
Wasiirka warfaafinta ee dowladda, Cabdullaahi Ciil-mooge Xirsi oo kulankii maanta ka qeybgalay ayaa sheegay inay xukuumadda u gudbisay wafdiga IGAD mowqifkeeda ku aaddan xasilinta dalka iyo maamul u samaynta gobollada, dowladduna ay qorshaheeda ku salaynayso war murtiyeedkii ka soo baxay shirkii 21-aad ee ay isugu yimaadeen madaxda dalalka IGAD.
Dowladda Soomaaliya ayaa dhowaan sheegtay inay ka wal-walsan tahay xaaladda gobollada Jubbooyinka oo maamullo is-barbar socda looga dhowaaqay.

WATCH: Somalia’s women struggle with rape

admin — Fri, 17 May 2013 03:19:50 +0000

M/weyne 3-aad oo looga dhawaaqay Magaalada Kismaayo

admin — Thu, 16 May 2013 19:02:11 +0000

Tirada Madaxweynayaasha uu yeelanayo maamulka Jubaland ayaa sii kordhaya, iyadoo xiisado laga dareemayo magaalada Kismaayo, halkaasoo ay ku sugan yihiin siyaasiyiin isku haya maamulka magaalada.

Sida ay sheegayaan warar goor hore soo baxay Cumar Buraale Axmed oo horay uga mid ahaa musharaxiinta u taagneyd doorashada Jubaland, balse aanay shalay soo xaadirin madashii lagu dooranayay Axmed Madoobe ayaa isna la sheegay inuu isu magacaabay xilka Madaxweynaha.

Waxaa uu qaaday Labada Madaxweyne ee shalay sida gaar gaarka ah loogu doortay magaalada Kismaayo, isagoo cadeeyay inuu isaga yahay Madaxweynaha Jubalanad.

Dhinaca kale wararka laga helayo Kismaayo ayaa sheegaya in Col. Barre Hiiraale loo caleema saaray xilka madaxtinimada Jubaland, kadib shir ay ka qeyb galeen odayaal dhaqameedyo, iyo qeybaha bulshada oo ka dhacay aqalka uu ka degan yahay Kismaayo.

Xaalada Kismaayo ayaa faraha ka sii baxaysa, iyadoo u muuqata mid yeelanayesa Madaxweynayaal kala duwan oo isku heysta jagada xilka, iyadoo siyaasada gobolka xilligan mareyso meeshii ugu xumeyd.

Qalalaasaha ka soo baxaya Kismaayo ayaa faa’ido u ah dowladda Soomaaliya oo noqon doonta marjaca dib loogu laabanayo Maamul u sameynta Jubooyinka oo markii hore ay diidaneyd in koox gaar ah iyada is magacawdo.