All Posts
BBC 0400 GMT
VOA 0330 GMT
laa seddex nin oo ku hubeysnaa qoriga AK47, ayaa waxay fiidnimadii caawa ay Magaalada Kismaayo ku dileen Allaha u naxariistee Dr. Xasan Diiriye, oo ka mid ahaa dadka sida weyn leh looga garanaayo Kismaayo.
Ragga dilka geystay, ayaa rasaas la dhacay marxuumka, xilli uu ku sii jeeday hoygiisa, kana yimid Xarun caafimaad oo uu ku heystay Bartamaha Magaalada Kismaayo.
Seddexda nin ee dilka geystay, ayaan si rasmi ah loo garanayn cidda ay ka tirsan yihiin ilaa iyo hadda, iyadoo ay u suurta gashay in dilka kadib ay isaga baxsadaan xaafadda Siinaay.
Ciidanka ammaanka ee Maamulka Jubba, ayaa gaaray goobta lagu dilay Dr. Xasan Diiriye, walow aynaan gacanta ku soo dhigin seddexda nin ee falkaasi guracan geystay.
Majirto wax war ah oo uu Maamulka Jubba ka soo gaaray tallaabada lagu dilay dhakhtarka caanka ka ahaa Magaalada Kismaayo ee Xarunta Gobolka Jubbada Hoose.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN