Robert Oakley,oo ahaa safiirkii Mareykanka u joogay soomaaliya sanadkii 1992 ayaa ku geeriyooday Gobolka McLean, Virginia, ee Dalka Mareykanka,waxaana da’diisa ay aheyd 83 Sano.
Diblumaasiga ayaa waxaa la sheegaa in uu kaalin wanaagsan uu kasoo qaatay sii deysmada duuliyihii mareykanka ee gacanta ugu jiray ururkii USC, oo xiligaasi kamid ahaa ururrada Dalka soomaaliya ka dhaq-dhaqaqayay.
Sidoo kale Robert Oakley, waxa uu safiir Dowlada mareykanka uu ugu soo noqday dalka Zaire(Congo) intii u dhexeysay 1979-1982 isagoona sidoo kale safiir kasoo noqday wadanka paskistaan iyo somaliya.
Phyllis Oakley, oo aheyd xaaska Diplomasiga ayaa laga soo xigtay in geeridiisa loo sababeynayo xanuun mudoyinkaan danbe uu la daalaa dhacayay,wixii ka danbeyay markii uu kasoo laabtay dalka Pakistaan,xiligaasoo uu ahaa Kaaliyaha Xoghayaha shaqada ka fariistay ahaana Afhayeenkii hore ee Xoghayaha Arrimaha Dibedda George Shultz.
Warbixinada la xiriira Oakley ayaa muujinaya in sanadkii 1980 uu ahaa nin siyaasad ahaan kala fur furayay Dagalkii Iraq, sidoo kale waxaa uu si weyn uu uga qeyb qaatay sii deysmadii askartii mareykanka ee ku xirnaaa dalka Lubnaan, iyo hubkii mareykanka ay ku taageereysay islaamiyiinta dalka Afaganistaan iyo in ay dalkaasi ka baxaan Midowgii Soveit-ka,sidoo dhiiragalintii dimuqraadiyadda wadanka Pakistaan maadama wadankaasi mudo badan ay ka talinayeen xukun Milatari,sidoo kalena waxaaa lagu amaanaa nabadii la dhexdhigay dowladaha Bakistaan iyo Hindiya kuwaas oo ay suurto gal aheyd xiligaan in ay hub Nuclear ay isla dhacaan.