Afhayeenka Maamulka Gobalka Shabeelaha Dhexe ee dowladda Soomaaliya Daa’uud xaaji Ciro oo la hadlay idaacadaha Magaalada Muqdisho ayaa wuxuu sheegay in ciidamada dowladda Soomaaliya ay ku wajahan yihiin deeganada kala ah Warsheekh, Aadan Yabaal iyo Mahadaay oo dhamaan ka tirsan Gobalka Shabeelaha Dhexe isaga oo intaa raaciyay hadalkiisa inay tagayaan dhamaan deeganadaasi.

Wuxuu sheegay in ciidamada dowladda ay ka dhaqaaqeen deegaanka Golaleey iminkana ay ku sugan yihiin Deegaanka Qalimoow wuxuuna tilmaamay inay sii socon doonaan ilaa ay ka tagayaan Degmada Jowhar ee xarunta Gobalka Shabeelaha Dhexe.

Maalintii shalay ayeey aheyd markii ciidamada dowladda Soomaaliya iyo sidoo kale kuwa AMISOM ay howlgal wadajir ah ka sameeyeen deegaano hoostaga Degmada Balcad ee Gobalka Shabeelaha Dhexe halkaasi oo ay kusoo qab qabteen dad lagu tuhmayo inay xiriir la leeyihiin Ururka AL-Shabaab.