All Posts
BBC 0400 GMT
VOA 0330 GMT100 nin oo u dhashay dalka Itoobiya, ayaa waxaa lagu xiray Magaalada Nairobi, ka dib markii lagu eedeeyay in si sharci daro ah ku soo galeen dalka Kenya.
Noah Katumo, Madaxa Waaxda Booliska Kenya ee ka hortagga dembiyada, ayaa sheegay in raggaasi ay xalay ka qabteen deegaanka Tasia, ee duleedka Magaalada Nairobi.
Katumo, ayaa raggaasi ku eedeeyay inay ku sii jeedeen dalka Koonfur Afrika, isla-markaana ay dalka Kenya u adeegsanayeen marin ahaan.
Talaadadii maanta, ayaa la horkeenay Maxkamad ku taala Nairobi, ha yeeshee dacwadooda waxaa dib loo dhigay ilaa Arbacada, markii la waayay turjubaan, raggaasi oo aan garanayn luqad aan ahayn midda Amhariga.
Kenya ma sheegin haddii ay gacanta ku dhigtay iyo haddii kalaba, dadkii tahriibinaayay boqolka nin ee u dhashay dalka Itoobiya.
Condolences
Videos
Madaxweyne Maxamed Cabdulaahi Farmaajo iyo wafdi uu hoggaaminayo ayaa goor dhow gaaray magaalada Dhuusamareeb.
Wafdiga uu horkacayo madaxweynaha ayaa waxaa garoonka diyaaradaha ku soo dhoweeyay mas’uuliyiin uu ugu horeeyo
Ra’iisul Wasaare Xasan Cali Kheyre,Madaxda Maamul goboleedyada Galmudug,Hirshabelle iyo Koofurgalbeed Soomaaliya.
Madaxweynayaasha Maamulada Jubbaland iyo Puntland ayaan ka qeybgalin soo dhoweynta madaxweynaha iyagoo ka maqan magaalada Dhuusamareeb.
Booqashada Madaxweyne Farmaajo ee Dhuusamareeb ayaa ka dambeeysay, kaddib markii Madaxda dowlad Goboleedyada todobaad ka hor ay shir ku yeesheen magaalada Dhuusamareeb ay ugu baaqeen Madaxweynaha iyo Ra’iisul Wasaaraha inay ka soo qeyb galaan shir looga arrinsanayo xal ka gaarista Doorashooyinka
Waa markii u horeysay ee Madaxda dowlad goboleedyada ay shir ugu yeeraan Madaxweyne xil haya, kaddib markii ay diideen shirkii Golaha Amniga Qaranka ee Muqdisho ka dhici lahaa 5-8 July.
Gudiga Samatabixinta Beesha Absuge
XAFLADII ABDIFATAH
MAREEG STATE FUTURE PLAN